Кој беше Алексеј Навални?

Рускиот опозиционер Алексеј Анатолиевич Навални, кој денеска почина во затворска колонија во автономниот округ Јамало-Ненец на 48-годишна возраст, отслужи 30-годишна затворска казна во Русија.

Навални, по професија правник, влезе во политиката во 2000 година како член на партијата Јаблоко, а во политиката влезе посериозно кога помагаше во протестите во Русија во 2011-12 година, тврдејќи дека имало изборна измама и дека власта е корумпирана.

Тој го истражувал потесниот круг на луѓе на Путин и ги објавил неговите видеа на Интернет, кои имале неколку стотици милиони прегледи.

Од 2011 година тој бил повеќе од десет пати во затвор, за разни кривични дела. Тој се кандидираше за градоначалник на Москва во 2013 година, а потоа беше втор на изборите со 27,24 отсто од гласовите.

Во 2016 година, Навални најави дека ќе учествува на претседателските избори во 2018 година, но судот му забрани да се кандидира бидејќи во 2013 година, во градот Киров, беше осуден на условна затворска казна од пет години за проневера, т.

е. за присвојување дрвена граѓа во вредност од околу 500 илјади американски долари од државна компанија.

Редовно учествуваше на протестите против власта и неколку пати беше апсен, особено во 2017, 2018 и 2019 година.

Основаше антикорупциска фондација и го предводеше централниот совет на партијата Русија на иднината, претставувајќи ја опозицијата на владејачката Единствена Русија предводена од Владимир Путин.

Откако беше отруен со нервен агенс во Сибир во 2020 година, за што ги обвини руските разузнавачи, замина на лекување во Германија, кое беше успешно, иако беше во кома.

Независниот холандски центар за истражувачко новинарство Белингкет тврди дека во труењето биле вмешани агенти на Руската Федерална служба за безбедност (ФСБ), што Кремљ го негираше.

По закрепнувањето, тој се вратил во Русија на 17 јануари 2021 година, а веднаш по слетувањето бил уапсен на аеродромот во Москва.

Тој беше осуден на две и пол години затвор за прекршување на претходното условно ослободување додека се опоравуваше во странство.

Во март 2022 година, Навални беше осуден на девет години затвор за наводно непочитување на судот и проневера.

Во август 2023 година, Навални беше прогласен за виновен за основање и финансирање на екстремистичка организација, поради што беше осуден на уште 19 години затвор.

Казната почнал да ја отслужува во Владимирската област, на околу 230 километри источно од Москва, но неодамна бил префрлен во казнената колонија ИК-3 во градот Харпа во Арктичкиот круг (поларен Урал), 1.

900 километри од Москва, каде што починал.  Навални беше во брак со Јулија Абросимова, со која имаше две деца, ќерката Дарија и синот Захар. мс/фото: МИА архива .

Извор: МИА