Ковачевски и Битиќи во посета на компанијата „Лапласт-М“

Претседателот на СДСМ Димитар Ковачевски, заедно со потпретседателот на партијата и вицепремиер за економски прашања Фатмир Битиќи, денеска беа во посета на компанијата „Лапласт-М“ од каде го истакна значењето од поддршката на домашните компании преку инвестициските циклуси за раст и развој на компаниите.

Ковачевски истакна дека компанијата преку Законот за финансиска поддршка на инвестициите добила околу 25.

000 евра за нови вработувања, истражувања и развој за да обезбеди дополнителна конкурентност на пазарот.

 -Минималниот износ на инвестиција што треба да се достигне до крајот на инвестицискиот проект со оваа поддршка изнесува 320.

000 евра, која што дефинитивно ќе значи уште еден чекор напред за оваа компанија која покрај тоа што е една од најголемите на македонскиот пазар, се повеќе ги освојува и пазарите на соседните држави, рече Ковачевски.

Овие инвестициски циклуси, вели Ковачевски, значат раст и развој за компаниите, како и зголемување на бројот на вработени, но и зголемување на платите.

 -Оттука сакам да порачам и да ги уверам граѓаните дека државната помош на домашните компании, растот на инвестициите, растот на инвестициите и на платите и пензиите, ќе продолжат да растат и по месец мај.

Социјалдемократските политики им се потребни на граѓаните и на државата, бидејќи се грижиме за сите, работиме да обезбедиме европски животен стандард дома, порача Ковачевски.

Вицепремиерот за економски прашања Фатмир Битиќи посочи дека компанијата е пример како владините економски политики за поддршка на инвестиции, покрај странските се насочуваат и кон домашните компании.

– Веруваме во поттикнување на средина каде што сите бизниси ќе можат да работат во рамноправни услови и да се придржуваат до фер работни практики.

Затоа, во 2017 година со Планот за економски раст создадовме системска можност за домашните компании да бидат финансиски поддржани во нивните инвестиции.

Денес нашето портфолио изнесува 919 компании поддржани по Законот за финансиска поддршка на инвестиции со речиси 100 милиони евра.

Тоа не се пари фрлени во празно затоа што тие инвестираа во домашната економија со отворање на 5. 000 работни места, истакна Битиќи.

Ковачевски одговарајќи на новинарски прашања кажа дека посетата на компанијата ја остварува како претседател на СДСМ, а Битиќи во улога на потпретседател.

 – Господинот Битиќи е и потпретседател на Влада и потпретседател на СДСМ, така што тоа е навистина успех за еден човек во најголемата политичка партија да биде потпретседател на партијата и исто така да биде и успешен вицепремиер којшто има донесено навистина добри одлуки за државата, за компаниите и нормално дека сакаме да ги посетиме компаниите коишто се за првпат имаа можност да добијат поддршка на инвестициите коишто тие ги прават, а сега се поддржани од државата, рече Ковачевски, одговарајќи на новинарски прашања дали Битиќи е во улога на потпретседател на Влада или потпретседател на СДСМ.

Битиќи додаде дека има време за пауза, одмор и дека ги користи за посета на компании кои вложуваат во државата. – Кога е работното време има време и за пауза и време за одмор.

Така што, денеска не знаете дали користам ден на одмор или користам време на пауза. Паузата вообичаено е саат време во текот на денот. Ова можам да го користам.

Јас работам за граѓаните, ова се луѓе кои инвестираат во нашата иднина и ќе ги посетам. А ако сте повеќе заинтересирани ќе доставам и официјално како тоа сум го регулирал, рече Битиќи.

ра/ам/Фото: МИА  .

Извор: МИА