biznisvesti.mk портал
Албанскиот премиер Еди Рама ја смета за бесмислена седницата одржана во ОН, посветена главно на употребата на динарот и на која присуствуваа премиерот на Косово Албин Курти и српскиот претседател Александар Вучиќ, јави Топ чанел.
Според Рама, Косово и Србија треба целосно да се фокусираат на дијалогот што го олеснува ЕУ и да се фокусираат на постигнување договори. -Тоа беше бесмислена седница.
Советот за безбедност на ОН очигледно не е место за ништо поврзано со Косово.
Како две суверени земји кои се стремат кон членство во ЕУ, Косово и Србија треба целосно да се фокусираат на дијалогот олеснет од ЕУ и да се фокусираат на постигнување договори за финансискиот промет, поштенските услуги, двојното оданочување и сите други прашања од кои имаат корист во секојдневниот живот обичните луѓе, обезбедувајќи и мирна иднина за идните генерации, пишува Рама на објава на платформата Х.
Наведува дека и покрај тоа што Албанија стои до Косово во спречувањето на каква било надворешна закана, додава дека ќе продолжи на косовското раководство да му ја нагласува важноста од блиска координација со нејзините главни сојузници.
-Додека стоиме покрај Косово во спречувањето на каква било надворешна закана, Албанија ќе продолжи на косовското раководство да му ја нагласува важноста од блиска координација со нејзините главни сојузници.
Непоколебливиот и континуиран став со нив го покажува чувството за визија и државна одговорност, додека секој случај на застанување на патот на целосното признавање ја намалува позицијата на земјата во јавната сфера во меѓународните односи, пишува Рама.
вт/ссм/ .
Извор: МИА