Сојузниците во НАТО гарантираат за безбедноста на Северна Македонија. Во изминатите три години по вашето членство во НАТО видовте повеќе странски инвестиции, зголемен раст и повеќе работни места.
Мирот и стабилноста се предуслов за економски просперитет, порача денеска во своето обраќање во Собранието на Северна Македонија, генералниот секретар на НАТО, Јенс Столтенберг.
Столтенберг, кој е во официјална посета на нашата држава, од Собранието на Северна Македонија порача дека членството во НАТО е есенцијалната и суштинска меѓа кон членството во ЕУ.
-Патот до членството во НАТО беше долг и полн со предизвици. Вашата држава се одлучи да биде дел од НАТО пред 30 години. Ваквото патешествие бараше истрајност, одлучност и посветеност на реформи.
Со политичка храброст и визија успеавте да постигнете историски компромис со Грција. Преспанскиот договор го овозможи членството во НАТО.
Истиот договор придонесе и во добрососедските односи за посветла иднина на народот на Северна Македонија.
Во март 2020 година, конечно ја постигнавте вашата амбиција и станавте полнправна членка на НАТО, додаде Столтенберг.
Тој посочи оти е уверен дека членството во НАТО на Северна Македонија беше поздравено како светло во темнината.
Како што рече, дури и во првите денови, придобивките од членството за државата беа очигледни. -Денес сојузниците во НАТО гарантираат за безбедноста на Северна Македонија.
Сојузниците стојат рамо до рамо да заштитат и да се одбрнаат од другите, додаде Столтенберг. бт/нд/Фото: Принтскрин .
Извор: МИА