Бакојани во Приштина на средба со косовското раководство

– Претседателката Вјоса Османи денеска се сретна со известувачот на Парламентарното собрание на Советот на Европа, Дора Бакојани, со која ќе разговара за процесот за членство на Косово во Советот на Европа, јави дописникот на МИА од Приштина.

Поранешната грчка дипломатка, која денеска ја започна посетата на Косово, беше назначена од Комисијата за политички прашања и демократија во Парламентарното собрание за известувач за членството на Косово во СЕ, а е задолжена да го изготвинаправи извештајот врз основа на наодите на двајца еминентни правници назначени да ја оценат апликацијата на Косово.

Во мај 2022 година, Косово поднесе барање за членство во СЕ, додека во април годинава Министерскиот комитет на СЕ донесе одлука барањето на Косово да го проследи до Парламентарното собрание.

По приемот кај Османи, Бакојани замина во Владата на Косово, каде ќе се сретне со премиерот Албин Курти. иа/ .

Извор: МИА