ЦУК: Нема пожари на отворено, 2 018 повици на 112 во последното деноноќие

Во последното деноноќие не се пријавени пожари на отворено, туку само неколку помали интервенции, соопшти  Центарот за управување со кризи (ЦУК).

Од ЦУК информираат дека вчера, околу 13 часот, Гевгелија беше погодена од силно невреме со интензивен дожд и град сo големина на орев.

Според информациите од Управата за хидрометеоролошки работи (УХМР), во 13 часот најмногу воден талог имало во Гевгелија, девет литри на квадратен метар.

Невремето било особено интензивно во Негорци, Мрзенци и Богородица.

ЦУК апелира да не се пали вегетација на отворено, редовно да се чистат локалните одводни канали и да не се фрлаат отпадоци во каналите.

 Во последното деноноќие имало вкупно 2 018 повици на Единствениот повикувачки број за итни случаи 112.

Од нив „реални“ повици биле 45,34 отсто, а 54,66 отсто биле за други потреби на граѓаните што не биле итни.

Кон Полиција биле упатени 61,25 отсто од повиците, кон Итната медицинска помош 33,95, кон пожарникарите 1,11,  а кон АМСМ 0,17 отсто од реалните повици кон 112. мд/са/Фото: МИА архива  .

Извор: МИА