ЦУК: Најбарана Итната медицинска помош со 51,02 отсто од реалните повици на 112

Во Центарот за управување со кризи (ЦУК), според последниот извештај, имало вкупно 1. 323 повици на Единствениот број за итни случаи 112.

„Реални“ повици за итни случаи биле 39,91 отсто, а 60,09 проценти други, именувани како „неитни повици“, што биле за други потреби на граѓаните или едноставно не биле итни.

 Од Центарот за управување со кризи велат дека со примањето во ЦУК на овие „други“ повици се растоваруваат од непродуктивни за нив, службите институциите во Системот за управување со кризи коишто се за итно интервенирање.

Распределбата, согласно генералната природа на настаните, била следната: кон Полиција биле упатени 42,86 отсто од повиците од 112 во ЦУК, кон Итната медицинска помош 51,02, кон пожарникарите биле упатени 3,4, а кон АМСМ 0,44 отсто.

Кон Центарот за управување со кризи имало 2,72 отсто од „реалните“ повици за итни случаи што се за комбинирано решавање, што секако, заедно со другите 60,09 отсто неитни повици“, биле предмет на примање и обработка од дежурните оперативци во Секторот Е-112 во содејство со Секторот за операции и координација во ЦУК.

вј/Фото: МИА архива .

Извор: МИА