biznisvesti.mk портал
– Израелскиот премиерот Бенјамин Нетанјаху телефонски разговараше со американскиот претседател Џо Бајден по завршувањето на состаноците на безбедносниот кабинет и воениот кабинет во воениот штаб на ИДФ во Кирија во Тел Авив.
– Штотуку разговарав со премиерот Нетанјаху за да ја потврдам железната посветеност на Америка за безбедноста на Израел.
Му кажав дека Израел покажа извонреден капацитет да се брани и да ги порази дури и нападите без преседан – испраќајќи јасна порака до своите непријатели дека не можат ефективно да ја загрозат безбедноста на Израел, изјави Бајден по разговорот.
Претходно денеска, Иран и неговите поддржувачи кои дејствуваат надвор од Јемен, Сирија и Ирак, почнаа воздушен напад без преседан врз воени објекти во Израел, се потсетува во пишаната изјава на Бајден во која тој најостро ги осуди нападите.
– На моја наредба, за поддршка на одбраната на Израел, американската војска премести авиони и разурнувачи за одбрана од балистички проектили во регионот во текот на изминатата недела.
Благодарение на овие распоредувања и извонредната вештина на нашите војници, му помогнавме на Израел да ги собори речиси сите дронови и проектили, нагласи Бајден.
Тој информира дека утре ќе ги свика колегите лидери на Г7 „за да координираат обединет дипломатски одговор на дрскиот напад на Иран“. – Мојот тим ќе се ангажира со нивните колеги од целиот регион.
И ние ќе останеме во близок контакт со лидерите на Израел.
И иако денес не видовме напади врз нашите сили или објекти, ќе останеме будни на сите закани и нема да се двоумиме да ги преземеме сите неопходни активности за заштита на нашиот народ, подвлече американскиот претседател.
јт/ .
Извор: МИА