Стоилковски: Уште колку имиња од семејства на власта се на списоците од грозоморниот криминал во Онкологија

09/09/2023 ВЕСТИ, ЛОКАЛНО

Директор на Онкологија го исклучува системот за контрола и следење, друг директор вади лажни документи за семејството за да го смести на Клиниката. И двајцата директори се многу блиски до врвот на партиите коишто ги назначиле! Вакви зафати и молкот за криминалот со години во Онкологија се невозможни без знаење и поддршка од власта“, истакна портпаролот на ВМРО-ДПМНЕ, Наум Стоилковски, на денешната прес-конференција.

„Уште колку имиња од семејствата на власта се на списоците од грозоморниот криминал? Кој му кажал на директорот од СДС да го исклучи системот? Кој му издал лажни документи на директорот од ДУИ? Уште колку трагедии и грозоморни криминалии има низ клиниките?“, прашуваат од ВМРО-ДПМНЕ.

„Со години трае тежок криминал, грозоморен криминал, на пациенти се украдени лекови, а оние што треба да ги лечат, им било ставано вода, додека лековите организирано ги продавале на црн пазар! Наместо пари за лекови за вистински пациенти, државата купувала цитостатици за фиктивни, некои веќе починати пациенти, за онколошката мафија поддржана од власта да продава цитостатици на црн пазар!“, посочи Стоилковски.

„Ова грозоморие не доликува на здравство, туку на логорите на смртта! И ова грозоморие минува неказнето со години иако за него се зборуваше и се пишуваше! Ова грозоморие е креација на власта! И сѐ додека се на власт, нема да дозволат вистинска истрага! Провизии за вакцини, модуларна, ‘Беса транс’, Онкологија… Сѐ додека се на власт нема истрага ниту правда. Единствено ќе врти бројчаникот на криминалот со смртни последици!“, обвини Стоилковски.

Извор: МИА