Пет членови на едно семејство се убиени од огнено оружје во арапски кварт во северен Израел, соопшти полицијата, а уште едно лице е убиено во друга размена на оган, што се најновите жртви на ескалацијата на насилството во арапските заедници во Израел.
Израелската полиција соопшти дека тројца мажи и две жени се убиени во куќа во бедуинската населба Басмат Табун, инцидентот се третира како кривично дело и дека потрагата по напаѓачите е во тек.
Израелската еврејско-арапска организација „Аврам Иницијатива“ ги идентификуваше жртвите како арапски брачен пар и нивните три деца.
Вооружените напади наводно биле последица на спорови меѓу семејствата вклучени во организираниот криминал.
Властите во населбата Ал Халис, каде што се случи убиството, ги затворија сите училишта и побараа од учениците да не доаѓаат барем уште еден ден.
Арапските граѓани во Израел долго време се погодени од сиромаштија, дискриминација, криминал и запоставување на Владата. рп/Фото: МИА архива .
Извор: МИА