Пратеничката група на СДСМ бара да се одблокира процедурата за законот за продажба на станови во државна сопственост, што ја прави, како што рече на прес-конференција пратеничката Даниела Марковска, претседателот на собраниската Комисија за финансирање и буџет Бојан Стојаноски.
Марковска истакна дека законот е пуштен во собраниска процедура уште на 6 јули 2021 година, пратеникот на ВМРО-ДПМНЕ Стојаноски ја блокира процедурата во Комисијата за финансирање и буџет.
-ДПМНЕ го блокира Законот за продажба на станови во државна сопственост доделени на користење на вработените во Министерството за внатрешни работи и безбедносните служби, рече Марковска.
Со овој закон, појасни таа, се дава можност државните станови доделени на користење на лица кои се вработени во МВР и безбедносно-разузнавачките служби, како и на лица кои стекнале право на пензија во МВР, да ги откупат и трајно да го решат своето станбен прашање.
-Ете како ДПМНЕ во македонското Собрание со активна блокада постојано работи против интересот на граѓаните и против интересите на вработените во МВР.
Јавно го повикуваме ДПМНЕ и Бојан Стојановски да ја прекинат блокадата и во интерес на овие луѓе да продолжи постапката и законот да биде донесен, рече пратеничката Марковска. фф/лв/Фото: МИА .
Извор: МИА