Санкциониран возач во Петровец со 3,7 промили алкохол во крвта

Мобилната единица за безбедност во сообраќајот на патиштата во текот на изминатата вечер 13/14. 01.

2024 спроведе акциска контрола за санкционирање на возачи кои возат под дејство на алкохол во околината на Скопје при што вкупно се санкционирани 19 возачи, а кај еден возач кој бил запрен во општина Петровец биле измерени 3,7 промили алкохол во организмот.

Тој е исклучен од сообраќај и против него се поднесени соодветни поднесоци.

Министерството за внатрешни работи продолжува со акциските контроли за санкционирање на сообраќајните прекршоци со цел подобрување на безбедноста во сообраќајот, стои во соопштението.

вг/цр/Фото: МВР .

Извор: МИА