Делегацијата на Хамас ќе остане во Каиро уште еден ден на барање на преговарачите, а разговорите за прекин на огнот во Појасот Газа, во кои досега нема резултати, ќе продолжат, изјави неименуван претставник на палестинската екстремистичка организација.
Во меѓувреме, Израел негираше дека добил контрапонуда од Хамас и дека се обидува да ги минира разговорите.
Претходно, високиот функционер на Хамас, Басем Наим изјави дека организацијата го претставила својот предлог за прекин на огнот пред преговарачите од Египет и од Катар и оти се чека одговор од Израелците, кои не дошле во Каиро.
Додека неименуван израелски претставник изјави дека Тел Авив ги вложува сите можни напори за да постигне примирје и дека се чека одговор од Хамас. ми/фото: МИА архива .
Извор: МИА