Педесет и осум крвни единици се обезбедени во денешната доброволна крводарителска акција во Кавадарци, информираше попладнево Димитар Каракулев, претседател на кавадаречкиот Црвен крст.
-Акцијата беше спроведена во Домот на културата ,,Иван Мазов -Климе”, во организација на Црвен крст Кавадарци, а се реализираше од ИТМ – Скопје.
Респект за сите дарители кои даруваа крв, а голема благодарност и до раководството и вработените од Домот на културата за отстапениот простор и тоа што беа одлични домаќини.
Благодарност и до службата на ИТМ со која имаме одлична соработка, истакна Каракулев.
Тој подвлече дека крводарителите од општините Кавадарци и Росоман, се секогаш на врвот по бројот на остварени крводарувања. свд/Фото: МИА .
Извор: МИА