Остра порака до папата од Киев: Никогаш нема да капитулираме, сетете се на Ватикан во Втората светска војна

Украинскиот министер за надворешни работи Дмитро Кулеба, одговарајќи му на папата Франциск, кој порача дека Украина мора да има „храброст за бело знаме“ и да преговара за крај на војната со Русија, вчера изјави дека Киев никогаш нема да капитулира.

 Папата тоа го кажа во интервју, чиј дел беше објавен викендов. Тој рече дека кога на страните во конфликтот не им оди добро, „треба да се има храброст да преговара“.

Кулеба му порача на Ватикан да посвети посебно внимание на својата улога. во Втората светска војна.

Тој на „Икс“ објави дека силна личност во секој спор „стои на страната на доброто, а не да се обидува да ги стави на иста основа и да го нарече „преговори““.

„Нашето знаме е жолто и сино“, напиша Кулеба на англиски, мислејќи на националното знаме на Украина. „Ова е знамето со кое живееме, умираме и победуваме.

Никогаш нема да подигнеме друго знаме“, напиша Кулеба. Тој укажа и на наводите дека папата Пие XII не направи ништо против нацистичката тиранија во Втората светска војна.

„Го повикувам (Ватикан) да избегне повторување на грешките од минатото и да ја поддржи Украина и нејзиниот народ во нивната праведна борба за нивните животи“, додаде Кулеба. рп/Фото: МИА архива  .

Извор: МИА