Османи во Генералниот конзулат во Венеција: Кризата со зголемените барања за нови патни исправи, ќе ја надминеме со најдобра можна реорганизација

Вчерашната агенда на министерот за надворешни работи, Бујар Османи продолжи и со посета на Генералниот конзулат на Република Северна Македонија во Венеција, каде што од сега има дополнителна реорганизација на работата со цел излегување во пресрет на што е можно поголем број наши државјани и скратување на нивното време на чекање за издавање патни исправи, информираат од Министерството за надворешни работи.

Од сега, според МНР, Генералниот конзулат во Венеција, ќе работи во две смени, како и во сабота и недела.

Овој распоред на работно време во Конзулатот ќе трае се до нормализирање на ситуацијата и намалување на барањата на нашите државјани за конзуларни услуги.

Како што информираат од МНР, мобилната станица, која се користи во Генералниот конзулат во Венеција, согласно однапред утврден распоред се користи и во Амбасадата на Република Северна Македонија во Рим и во Малта.

Османи побарал од дипломатите во претставништво да вложат повеќе напори, со цел да се скрати времето на чекање при поднесување на барање и подигнување на патните исправи.

-Комодитетот на нашите државјани кога доаѓаат во Конзулатот како и брзите и ефикасни услуги, претставуваат приоритетна задача за сите нас.

Има бројни предизвици, но мора да се организираме на најдобар можен начин.

Ова е вонредна состојба, меѓутоа причината за што постојат претставништвата е токму олеснување и надминување на постапките преку дополнителен ангажман, вели Османи.

Воедно, шефот на македонската дипломатоја имаше директен контакт со нашите државјани, кои чекаа пред конзулатот за нивните потреби, со цел лично од нив да слушне кои се проблемите со кои се соочуваат и како сметаат дека би било подобро за на сите да им се олесни работата.

На прашањето на наш државјанин дали со стари пасоши може од таму да се вратат назад, Османи истакнал дека може, но оти би било ризично доколу имаат само седум дена одмор од работа, да не го добијат пасошот на време во Скопје, и да не може да се врати во Италија.

-Значи можеш да одиш, најбезбедно е да земаш патен лист кој сега го може да го добиете бесплатно, истакнал Османи.

Со зголемување на бројот на барањата за конзуларни услуги од страна на нашите државјани кои живеат во странство, Министерството за надворешни работи, како што велат, целосно ја реорганизирало работата на дипломатко-конзуларните претставништва, преку зајакнување на капацитетите со дополнителни дипломати, со воспоставување во функција на дополнителни мобилни станици за сликање за нови патни исправи и преку работа во две смени и работење во сабота и недела.

сст/са/фото МНР .

Извор: МИА