Општината набави нови униформи за пожарникарите од Крива Паланка

Набавени се нови униформи за пожарникарите од Крива Паланка.

Градначалникот на Општина Крива Паланка Сашко Митовски денеска ја посети Територијалната противпожарна единица по повод новонабавените униформи, комплетирани согласно потребите за нивната служба.

–Општината изврши набавка на седумнаесет комплетно нови униформи: зимско палто, дуксер, панталони, маици со долг ракав, маици со краток ракав, поло капа и зимска капа. Набавката е извршена по четири години од последно реализираната во 2018 година, информира службата за комуникација со јавност на Општина Крива Паланка.

Градоначалникот Митовски при средбата и разговорот со командирот Иле Коцевски и пожарникарите  посочи дека опремувањето на ТППЕ продолжува, како и излегувањето во пресрет на барањата на пожарникарите – спасители за максимална ефикасност на службата во интерес на граѓаните.

Најави дека во кординација со останати надлежни министерства и служби ќе биде набавена дополнителна опрема, а ќе се изврши и доекипирање на единицата. ид/мд/