Норвешка ќе посредува во трансферот на замрзнатите средства на Палестинската управа

– Норвешката Влада синоќа соопшти дека ќе посредува во трансферот на замрзнатите средства наменети за Палестинската управа собрани од Израел.

Според привремените мировни договори постигнати во 90-тите години од минатиот век, израелското Министерство за финансии собира даноци во име на Палестинците и врши месечни трансфери до Палестинската управа.

– Оваа привремена шема ќе игра клучна улога во спречувањето на финансискиот колапс на Палестинската управа, се наведува во соопштението на норвешката Влада.

Според спогодбата договорена со израелските и палестинските власти, Норвешка ќе служи како посредник за замрзнатите приходи што Израел ги собира од 7 октомври.

Израел на 2 ноември објави дека ќе продолжи да ги префрла даночните приходи на Палестинската управа на окупираниот Западен Брег, но ќе ги задржи средствата наменети за Појасот Газа, со која владее Хамас.

 ми/фото: МИА архива .

Извор: МИА