Кристофер Хил: Меѓународната заедница не гледа благонаклоно на бојкотот на српската опозиција

Амбасадорот на САД во Србија, Кристофер Хил, по третата неуспешна средба меѓу претставниците на власта и опозицијата за подобрување на изборните услови, рече дека меѓународната заедница е против идејата за бојкот на изборите, јави дописникот на МИА од Белград.

-Тука сум како набљудувач.

Тоа беше многу тежок дијалог, меѓународната заедница не гледа благонаклоно на бојкотот, но тоа е прашање што ќе треба да го решат учесниците во дијалогот во Србија, рече тој, истакнувајќи дека е добро е да се водат разговори.

„Тие не се само важни, посочи тој, туку и се тешки. Дијалогот е добар, иако често не води до договор, но важно е да се разговара“, смета Хил. -И не е важно само да се постигне договор.

И ние во САД имаме такви дијалози, но мило ми е што гледам дека има позитивен тон во овие преговори. . . Но, секако сум свесен за сите присутни проблеми.

Ние сме тука како набљудувачи, заинтересирани сме Србија да успее во тоа и да се спроведат препораките на ОДИХР, изјави Хил за новинарите.

Третата средба меѓу власта и опозицијата со која претседаваше Ана Брнабиќ за спроведување на препораките на ОДИХР за подобрување на изборните услови, на која присуствуваа претставници на парламентарните партии, од невладиниот сектор и амбасадорите на САД и ЕУ, Кристофер Хил и Емануел Џофре заврши, повторно без резултат, откако опозицијата ги напушти разговорите.

Изборите за собранието на град Белград се распишани за 2 јуни, додека останатите локални избори, меѓу кои и за белградските општини се уште не се распишани. об/ссм/ .

Извор: МИА