Кремљ ги негира обвинувањата на Украина дека руската војска ги користи сателитите Старлинк на Илон Маск

– Кремљ денеска соопшти дека сателитскиот интернет систем Старлинк на претприемачот Илон Маск ниту е сертифициран за употреба, ниту официјално е испорачан во Русија и затоа не може да се користи.

Украина, која го користи „Старлинк“ за воени комуникации во нејзиниот конфликт со Русија, вчера соопшти дека руските трупи го користат системот во областите на Украина под нивна контрола.

– Тоа не е сертифициран систем кај нас. Затоа, не може официјално да се достави тука. Затоа, не може официјално да се користи на кој било начин, изјави портпаролот на Кремљ, Дмитриј Песков.

Во коментар на социјалната мрежа X, Илон Маск рече дека според неговите сознанија „никакви ’Старлинк‘ не се продадени директно или индиректно на Русија“.

„Голем број извештаи за лажни вести тврдат дека SpaceX и продава терминали на Starlink на Русија. Ова е категорично неточно“, додаде тој. јт/Фото: МИА архива .

Извор: МИА