Илјадници Палестинци во Израел ќе бидат вратени во Газа

Според израелското армиско радио, илјадници палестински работници кои работат во Израел ќе бидат вратени во Газа. -Над 10 автобуси поминаа утрово на пат кон преминот Керем Шалом.

Денеска се преселиле 300 работници, а утре се очекува да се преселат уште околу илјада, се вели во објавата на „X“.

Радиото соопшти дека овие работници биле претходно уапсени и приведени бидејќи нелегално живееле во земјата.

Од 7 октомври, Израел во неколку наврати испраќаше илјадници Палестинци назад во опколената енклава, спроведувајќи репресии врз работниците од територијата на кои претходно им беа дадени дозволи да работат во Израел и окупираниот Западен Брег.

Израел претходно издаде повеќе од 18 илјади дозволи со кои им дозволуваше на жителите на Газа да преминат во Израел и на Западниот Брег за да се вработат во сектори како земјоделството или градежништвото кои вообичаено носеа плати до 10 пати повеќе од она што еден работник може да заработи во блокираниот Појас Газа.

мс/фото: ЕПА .

Извор: МИА