Бојмацалиев и Тасевски на традиционален ручек и дружење со децата и семејствата на загинатите припадници на МВР

Дополнителниот заменик министер за внатрешни работи Митко Бојмацалиев и директорот на Бирото за јавна безбедност (БЈБ) Сашо Тасевски денеска се дружеа со децата на семејствата на загинатите припадници на МВР во Пониква, Кочани за време на неколкудневниот одмор на децата во одморалиштето на Министерството.

Како што информира МВР, на заедничкиот ручек дополнителниот заменик министер Бојмацалиев го изрази своето задоволство што оваа дружење со децата на загинатите припадници на МВР прерасна во една убава традиција на која имаат можност да се дружат и разговараат за сите актуелни прашања од важност за нив, притоа уште еднаш уверувајќи ги дека во него и раководството на МВР имаат искрени пријатели чие партнерство и пријателство продолжува и се унапредува преку здружението „Херои на Македонија 2001-2015“.

Бојмацалиев и Тасевски и денеска потенцираа пред присутните дека секогаш се тука за нив- децата и семејствата на загинатите припадници на МВР и со целосна поддршка во рамки на законските можности и надлежности позитивно ќе одговорат на нивните барања и потреби.

вј/аа/Фото: МВР .

Извор: МИА