Американските сили уништија беспилотни летала и противбродски ракети на јеменските Хути

Американските сили уништија беспилотни летала и противбродски крстаречки ракети на бунтовниците Хути во Јемен, објави денеска американската воена команда на Блискиот Исток (Центком).

-Уништени се три поморски беспилотни летала, противбродски крстосувачки ракетни системи и едно беспилотно летало подготвени за напади во Црвеното Море, се наведува во соопштението.

Се додава дека беспилотните летала и ракетните системи биле идентификувани во областите контролирани од јеменските бунтовници и претставуваат „непосредна закана“ за американските трговски и воени бродови.

Хутите, поддржани од Иран, извршуваат напади врз бродови за кои веруваат дека се поврзани со Израел од ноември.

Тие тврдат дека дејствуваат во знак на солидарност со Палестинците во Појасот Газа, каде Израел води војна против Хамас како одмазда за нападот на палестинското исламистичко движење на 7 октомври минатата година.

мс/фото: МИА архива .

Извор: МИА