biznisvesti.mk портал
Пред платото на Народниот театар „Јордан Хаџи Константинов Џинот“ во Велес денеска се одржа хуманитарен Велигденски базар организиран од Општина Велес, во соработка со основните и средни училишта.
На тезгите беа изложени најразлични рачни ракотворби со мотиви на најголемиот христијански празник како и Велигденски вапцани јајца во различни бои, изработени од вредните раце на децата од основните и средните училишта заедно со наставниците,како и од волонтерите на Општинската Организација на Црвен крст.
Велигденскиот базар предизвика голем интерес кај граѓаните кои ј ги посетија убаво уредени Велигденски тезги и купија од рачно изработените Велигденски украси.
Од Општина Велес најавија дека собраните средства од Велигденскиот базар ќе бидат наменети за хуманитарни цели.ад/
Велес,13 април 2023 (МИА)