САД тврдат дека елиминирале лидер на ИД во Сирија

Централната американска воена команда (Центком) соопшти дека при денешниот хеликоптерски напад во Суеида, северна Сирија елиминиран е висок лидер на џихадистичката Исламска држава (ИД), вклучен во „планирани терористички напади на Блискиот Исток и Европа“.

Центком не го откри идентитетот на убиениот лидер на ИД, само наведе дека при нападот убиени сè уште две лица. Во нападот не се американски војници и цивили, а не се оштетени ниту американските хеликоптери.

Турската група што дејствува во регионот Суеида, тврди дека во американскиот напад загинале двајца нејзини борци.

САД во октомври 2019 година во северозападна Сирија го убија командантот на ИД Абу Бакр ал-Багдади во операција во северозападна Сирија. Двајца негови наследници исто така беа убиени: првиот во февруари 2022 година во северозападна Сирија, а вториот во ноември истата година во провинцијата Даара на југ.

И покрај поразот ИД дејствува во Сирија, така што вчера уби 14 цивили кои береле печурки.

Војната во Сирија почна во март 2011 година по серијата продемократски протести против режимот на сирискиот претседател Башар ал-Асад, при што загинаа половина милион луѓе, милиони луѓе се внатрешно раселени, а голем број ја напуштија земјата, чија инфраструктура е уништена. Асад и сега не ја контролира целата територија. ми/

фото: ЕПА

Вашингтон, 17 април 2023 (МИА)