Прв Женски економски форум – „Финансиска писменост“

Во организација на „Јас Сум Жена“ и „Global Shapers Skopje Hub“ денеска, на онлајн платформата „зум“, ќе се оддржи првиот Женски економски форум на тема „Финансиска писменост“.

Форумот ќе почне со панел дискусијата „Банкарски трендови и совети“ на која ќе зборуваат вицегувернерката Емилија Нацевска и генералната директорка на банкарство на мало за регион Скопје, Куманово и Крива Паланка, Татјана Славеска.

Потоа е предвидено предавање на тема „Потребата од финансиска писменост во Македонија“ со главната говорничка Маја Кадиевска Војновиќ, а ќе се одржи и работилница „Управување со лични финансии“ во реализација на Global Shapers Skopje hub. мч/