Притвор за 27 годишен тетовец осомничен за разбојништва во казина

Мерка притвор е определена за 27 годишниот жител на Тетово кој на 10 април беше приведен за тоа што во две казина извршил, а во едно имал обид за разбојништво

Според информациите на СВР Тетово, вчера судија во претходна постапка на Основниот суд Тетово му определил мерка притвор од 30 денови, а денес осомничениот е спроведен во КПУ Затвор Скопје.

– Дваесет и седумгодишниот тетовец Е.И. се сомничи дека на 9-ти и 10-ти овој месец извршил две разбојништва и еден обид за разбојништво во казина во Тетово. Заканувајќи им се на вработените со остар и тврд предмет, тој одзел извесна сума парични средства, информираше Марјан Јосифоски, портпарол на СВР Тетово. ас/ир

Фото: МИА архива
Тетово, 12 април 2023 (МИА)