Навремено спречен пожарот во трговскиот центар Ист Гејт

Во врска со информацијата за пожар кој се случи денес во трговскиот центар Ист Гејт Мол околу 18 часот, техничките служби на трговскиот центар заедно со пожарникарските служби на терен го локализираа пожарот кај едно возило во гаражата и навремено го спречија неговото ширење.

Согласно утврдените процедури на трговскиот центар за ваков тип на ситуации беа активирани системите за заштита од пожар и вработените во трговскиот центар беа евакуирани. Како резултат на навремената реакција на службите нема повредени лица ниту е причинета материјална штета.

По увидот на надлежните служби, трговскиот центар продолжи да работи со редовно работно време до 22 часот.