Н.У. Театар за деца и младинци и приватниот театар „БАБЕЦ“ конечно по две децении напори го формираа НАЦИОНАЛНИОТ ЦЕНТАР АСИТЕЖ МАКЕДОНИЈА

Со заеднички идејни цели, Н.У. Театар за деца и младинци и приватниот театар „БАБЕЦ“ од Битола, конечно по две децении напори го формираа НАЦИОНАЛНИОТ ЦЕНТАР АСИТЕЖ МАКЕДОНИЈА, преку кој од оваа година македонскиот детско – младински театар и официјално ќе биде легимитиен дел од големото светско смејство АСИТЕЖ ИНТЕРНАЦИОНАЛ.

АСИТЕЖ ИНТЕРНАЦИОНАЛ е светска водечка организација од областа на детско – младинската театарска продукција, промовирана и иницирана од Обединетите нации, кога за прв пат се донесува ПОВЕЛБАТА за правата на децата во која се вели дека „секое дете има право на достоинствен живот“.

„Организацијата е важен сегмент за нашата детско – младинска театарска продукција, затоа што преку неа ќе можеме да бидеме видливи не само регионално, туку и светски. Можностите за соработки, работилници, семинари, фестивали се само дел од придобивките што во иднина ќе ги има детско-младинската продукција на нашата земја, а особено значајно ќе биде видливоста и валидноста на нашите квалитетни дела што ги создаваме низ светот“, вели Јулијана Миреческа, претседателка на АСИТЕЖ МАКЕДОНИЈА.

Во соработка со АСИТЕЖ МАКЕДОНИЈА годинава во Битола од 3 до 7 август се одржа 12. Интернационалниот детски театрски фестивал „БИТОЛИНО“ во организација на „БАБЕЦ“ театарот,  в во најава е и соработката со 2. Интернацонален фестивал на детски театри „ИГОР МАЏИРОВ“ во организација на ТДМ, закажан за 27. до 30. септември во Скопје.

Управниот одбор на АСИТЕЖ МАКЕДОНИЈА, во кој членуваат Драгана Милошевска – Попов, Васко Мавровски, Игор Ивковиќ и Миодраг Неќак, на состанокот одржан во рамките на фестивалот „БИТОЛИНО“, донесоа одлука за иницирање НАЦИОНАЛЕН ФЕСТИВАЛ НА ДЕТСКИ ТЕАТАРИ – со натпреварувачки карактер, што би се одржувал секоја година во некој од центрите од внатрешноста, потоа работлници наменети за наши актери, режисери, театарски работници и низа други активности што ќе имаат за цел уште повеќе да ја популазираме оваа уметност, која е основата за сите други културно – уметнички профилирања.

Затоа, упатуваме ПОВИК до сите театарски уметници, индивудалци, здруженија и друг вид театарски компании кои творат во областа на детско – младинската театарска продукција, да се приклучат на нашата организација АСИТЕЖ МАКЕДОНИЈА и со заеднички сили, транспарентно и квалитетно да ја претставиме нашата квалитетна детска театарска сцена во светот.

Сите идни членови во организацијата, ќе бидат вклучени во Надзорното тело на организацијата во кое сега членуваат: Катарина Илиевска Силјановска, Марија Ѓорѓијовска, Благој Мицевски.

Благодариме за Вашето внимание и можност за одвојување простор за нас, на Вашиот почитуван медиум.