Меѓународен симпозиум: „Да си го вратиме назад просторот за дигитални информации“

Меѓународен симпозиум за високо образование на тема „Да си го вратиме просторот за дигитални информации“ ќе се одржи денеска во Скопје, организиран од Институтот за комуникациски студии (ИКС) и ИРЕКС, во рамки на проектот на УСАИД за медиумска писменост „Младите размислуваат“.

Како што е најавено, претставници на академската заедница, експерти за медиумска писменост и млади истражувачи и активисти од САД, ЕУ и Западен Балкан ќе дискутираат за тоа како образованието за медиумска писменост треба да држи чекор со технологијата, кои вештини се клучни за младите во ерата на дигитални информации, како и улогата на медиумската писменост во поттикнувањето на граѓанска вклученост.

Настанот ќе го отвори директорката на ИКС, Жанета Трајкоска, а обраќање ќе има и претставничката на Канцеларијата на УСАИД, Џери Дајбл. бт/бак/