biznisvesti.mk портал
Управувањето со инциденти е процедура каде што различни типови на сценарија се регистрираат, процесираат и менаџираат. Целта е да се идентификуваат ‘тесните грла’ и неефективноста во оперативниот дел и да се спречи материјализација на ризиците. Инцидентите кои се случуваат во бизнис околината се најчесто предизвикани од луѓе, системи, процеси и екстерни фактори. “Една од најважните алатки за управување со ризици во бизнисот е управување со инциденти, како начин за целосен преглед на потенцијалните ризици на компанијата кои можат да се материјализираат”, според Бојан Богоев – Директор за ризици во Иуте Кредит Македонија. Зошто управувањето со инциденти е од огромна важност за бизнисот, кои се неговите бенефити и како тоа да се надмине Богоев претставува 7 чекори во што компаниите треба да ги следат.
- Огледало на реалноста
Секоја одговорна компанија треба да има капацитет да разбере кои ризици имаат влијание на нејзините операции и што треба да се преземе за да се спречи материјализација на ризикот и потенцијалната штета на бизнисот. Многу компании ги мапираат и проценуваат ризиците, некои користат и понапредни технологии, има и такви кои креираат целосен холистички пристап кој подразбира разбирање на ризиците и нивните причинители, влијаејќи на нив со контролни мерки и најважно од се, мерејќи ја нивната веројатност и инциденца. Сето ова значи прибирање на детални податоци за инцидентот, проценка на негативните последици и ситуации кои не требало да се случат, отстапувањата од очекуваните цели и резултати во процесот и точно идентификување на причинителот. Со други зборови, управувањето со инциденти е алатка која им помага на компаниите да следат и други метрики за како бизнисот напредува и дали или зошто не ги реализира целите.
- Кратење на трошоци за бизнис операции
Компаниите можат да заштедат многу пари преку намалување на веројатноста за настанување на грешки, но сето тоа треба да биде базирано на внимателно собрани и обработени информации. На пример, ако грешките настанат во различни бизнис единици и има слаба интерна комуникација, тешко е да се примени системски пристап. Доколку компанијата работи со сензитивни податоци и не се применети соодветни контролни алатки, или пак доколку ефективноста не е измерена, сево ова може да резултира на губење на податоци со висок трошок, како на пример регулаторни казни и губење на клиенти.
Подготвеноста за различни сценарија, креирање на опсежен извештај за инцидентите и документирање на сите детали се клучните чекори. Причинителите мора да бидат идентификувани и соодветни процедури мора да бидат развиени за да се спречат идни слични дејства, или пак, да се подигне нивното на подготвеност за реакција и намалување на потенцијалните штети.
- Подобрување на корисничкото искуство
Можноста да се одговори брзо и ефикасно на секој тип на инцидент ги унапредува процесите, истовремено унапредувајќи го степенот на довербата на клиентите. Многу компании практикуваат онлајн прашалници да го испитаат нивото на задоволство и доверба на клиентите, од аспект на квалитет на услуга, брзина и севкупно корисничко искуство. Доколку клиентите се задоволни од услугата и во компанијата гледаат како свој партнер од доверба, со задоволство одговараат со позитивен фидбек. На пример, компанија која ги крие поплаките од клиентите и воедно не ги регистрира, може да претрпи сериозна неконзистентност на податоци, од која подоцна би се извлекле погрешни заклучоци. Успешното решавање на поплаките е дел од процесот на управување со инциденти, така се унапредува севкупниот процес.
- Градење на кредибилитет
Управувањето со инциденти од компанијата бара целосна транспарентност, искреност и интегритет, затоа што во спротивно ќе биде креиран извитоперен погрешен бизнис преглед на ситуацијата, кој може да води кон погрешни одлуки. Доколку компанијата менаџира голем обем на податоци за клиентите, ќе биде изгубена довербата. Од друга страна, доколку нешто тргне во непосакувана насока и доколку клиентите се веднаш информирани, тие ќе се чувствуваат безбедно и информирано. Прашањето за управување со инциденти добива се поголемо влијание за инвеститорите, регулаторите и други стејкхолдери, особено транспарентноста во справување со проблемите и ризиците и користење мерки за да се спречат следни слични инциденти.
- Зголемената инволвираност на вработени и продуктивноста
Соодветно поставена политика за управување со инциденти упатува јасна порака до вработените дека тие се важна алка во процесот, од аспект на нивната информираност и запознаеност со сите аспекти и потенцијалните сценарија за реакција, со цел да се избегнат морални или правни проблеми. Довербата од гледна точка на вработени е од исклучителна важност, со цел тие да можат јасно да разберат кои инциденти и на кој начин можат да влијаат врз компаниското работење и цели, кои треба да бидат во иста линија со целите и благосостојбата на вработените.
- Ублажување и намалување на правните ризици и ризиците за усогласеност со политики
За сите бизниси е клучно да се придржуваат до регулаторните механизми и правила. Управувањето со инциденти е добра алатка за собирање на сите потребни информации и имплементирање на корективни акции. Ова игра особена улога за компанија која оперира во регулаторен сегмент, како систематски начин и пристап за подобрување на интерните механизми за контрола и осигурување дека сите операции се согласно на правно-регулативните механизми.
Заштитување на компанијата од репутациски ризик
Доколку компанијата не се справи со ризиците навремено и подготвено, ситуацијата може лесно да ескалира. Немањето капацитет да се справи соодветно со ризиците и нивните последици ја зголемува можноста од материјализација на истите. Многу е вообичаено кога ризикот е материјализиран, да предизвика штета на компаниската репутација, а репутацијата е една од клучните двигатели на бизнисот-ако ја нема, нема да има ни клиенти ни бизнис. Како заклучок, доколку компанијата не ги менаџира податоците на клиентите на претходно утврден и одговорен начин, како резултат на непридржување кон политиката за заштита на приватни податоци, тие податоци или стануваат податоци од јавен карактер или се компромитирани, носејќи кон сериозни последици за компаниската репутација.
Електронска идентификација за зголемена безбедност од злоупотреба на податоци и минимизирање на ризиците
“Во секојдневното работење сме изложени на секакви ризици, вклучително и на ризик од измама. Ние имаме воспоставено систем за управување со ризици и внимателно го следиме овој тренд и секојдневно преземаме активности и воведуваме алатки за оневозможување на измамите. Токму таква алатка е електронската идентификација која е воведена на почеток на годинава и значителни ја зголемува безбедноста за клиентите”, посочува Бојан Богоев – Директор за ризици во Иуте Кредит Македонија.
Тој додава дека воведената електронска идентификација е во соработка со компанијата GetID од Естонија, која е докажан партнер на бројни институции во процесот на електронската идентификација.
“Ние секогаш ги едуцираме нашите клиенти за мерки кои лично треба да ги преземаат за заштита на нивните податоци, како на пример, да не споделуваат лични податоци на социјални мрежи, посебно не на лица кои воопшто не ги познаваат или на компании за кои не знаат дали физички постојат. Електронската идентификација која ја воведовме е дел од кругот во кој заштитата на лични податоци е обврска на секој од нас поединечно и императив за сите нас заедно. Дополнителна поволност е едноставноста на самиот процес. Со цел да обезбедиме наједноставен процес на електронска идентификација за клиентите, а во исто време високо ниво на сигурност и безбедност, целиот процес е интегриран во мобилната апликација MyIute, односно клиентите немаат потреба да инсталираат дополнителни апликации на мобилниот телефон”.
За да можат клиентите да ги уживаат придобивките од овој начин на идентификација мора да имаат: телефон, односно мобилен уред кој поддржува биометриска автентификација, телефонски број, издаден од оператор со дозвола за работа исклучиво во Македонија, валиден документ за лична идентификација, односно лична карта или пасош и сопствена емаил адреса.
Иуте Кредит Македонија е дел од групацијата Иуте од Естонија, финтек компанија етаблирана во 2008ма година, специјализирана во лични финансии, плаќања, банкарство и осигурување. Освен во Македонија, Иуте опслужува клиенти во Албанија, Бугарија и Молдавија.
Групацијата неодамна се ребрендираше во Иуте, Она што отсега се менува е опсегот на работење на компанијата, која освен кредитирање ќе понуди нови дигитализирани финансиски услуги – плаќања, инвестиции, осигурување, e-wallet и други.