Најважниот празник на жените, без сомнение, е 8 Март. Денот што се одбележува низ целиот свет е признание за многуте жени што своевремено протестираа за женските права. Денес, 8 Март го славиме како Ден на жената и на нејзиниот придонес во општеството.
Во бизнис-круговите овој датум е важно да се почитува, барем со симболичен подарок. Сепак, мора да одберете соодветен подарок и да знаете точно каква порака пренесувате.
Важно е да не подарувате нешта што не се соодветни за бизнис-релациите што ги имате, но, исто така, важно е и подарокот да биде интересен и корисен. Секогаш е добра идеја подарокот да има личен белег и да одберете различен подарок за секоја посебна личност.
Доколку не можете да одберете, еве неколку идеи, кои, можеби, ќе ви помогнат да ја донесете крајната одлука. Продолжете и погледнете ги петте идеи што секогаш одговараат за 8 Март.
- Чоколада за секоја прилика
Има научно докажана причина зошто сите сакаат чоколада. Меѓу другите нешта што ги содржи чоколадата, тука е и аминокиселината триптофан. Триптофанот е директно заслужен за поттикнување на мозокот во создавање серотонин. Серотонинот, пак, е невротрансмитер што прави да се чувствуваме среќно и задоволно.
Токму затоа чоколадата е симбол за среќа и за убави чувства. Подарувањето чоколада симболизира посакување среќа и убави моменти. Колку што е поубава чоколадата, толку е подобар подарокот. Одберете пакување што е навистина вкусно и бидете сигурни дека сте направиле добар избор.
Добрата работа околу чоколадата како подарок е што може да ја дадете и на колешките и на жените што, можеби, ви се надредени, но и на бизнис-партнерите и на клиентите. Со чоколада сигурно нема да погрешите кога подарувате.
- Цвеќе и растенија за колешките во канцеларијата
Цвеќе и празникот на жената – комбинација што се чини совршена. Ако не сте сигурни што да одберете и да им подарите на колешките во канцеларија, тогаш одберете цвеќе. Посетете ја блиската цвеќарница и побарајте рози за секоја од нив или одберете растение што може да го понесат дома или остават на работното биро.
Најдобро е да прочитате повеќе за симболиката на различни типови цвеќиња или растенија и на секоја колешка да ѝ подарите цвеќе што сметате дека е совршено за неа. Не мора сите да добијат еднообразен подарок. Истражете малку подетално и изненадете ги драгите колешки.
- Накит за бизнис-соработнички
Елегантен накит е тип подарок што може да има одредена вредност, па важно е да го подарите на личност на која навистина сакате да ѝ изразите благодарност што постои во вашиот професионален живот.
Доколку размислувате што да им подарите на жените со кои соработувате, накитот е одлична опција. Погледнете ги многубројните онлајн и воопшто и одберете обетки, синџирчиња, алки или нешто слично.
- Персонализирана шолја спакувана во пакет со кафе или чај
Веќе споменавме дека најдобрите подароци се тие што ќе бидат направени специјално за личноста што ги добива. Во пресрет 8 Март можете да нарачате шолји со принтови кои ќе бидат персонализирани за секоја колешка поединечно, но можете и да нарачате унифициран принт со логото на компанијата или одделот во кој работите.
Дополнително, побарајте пакет вкусно еспресо или различни чаеви и направете прекрасен подарок, кој ќе ги израдува колешките и соработничките.
- Книга со која ќе ги поттикнете личниот раст и развој
Иако стереотипот околу 8 Март вели дека цвеќе, чоколада и накит се вистинскиот избор, сепак, на работното место одличен подарок е добра книга. Одберете наслов што ќе ги обработува личниот раст и развој или специфична литература поврзана со индустрија во која работите.
Овие опции се одлични и сигурно нема да згрешите, но доколку чувствувате дека белетристика е подобар избор, тогаш посетете ги книжарниците и побарајте некои од класиците, кои и сами ги обожавате, или нови популарни наслови за кои сите зборуваат. Книгите остануваат засекогаш и може да се читаат веднаш или подоцна, па претставуваат одличен подарок за секоја пригода.