Во Охрид, денес ќе биде доделена наградата „Инженерски прстен 2025“

Во Охрид, денес, на пригоден настан, ќе биде доделена наградата „Инженерски прстен 2025“ на 14 перспективни инженери од различни специјалности.

Претседателката Гордана Сиљановска-Давкова ќе ја врачи наградата, а церемонијата ќе се случи на отворениот простор пред црквата „Свети Климент и Пантелејмон“ – Плаошник во Охрид.

Наградата се доделува на најистакнатите студенти кои завршиле студии на факултетите кои поддржуваат инженерски области на четирите државни универзитети. Манифестацијата се одвива по 22-ри пат, а е во организација на Инженерската институција на Македонија и на Комората на овластени архитекти и овластени инженери, под покровителство на претседателот на државата.