Презентација на истражување: Родова еднаквост и инклузивност во спортот во Северна Македонија

Македонскиот Олимписки Комитет (МОК), во партнерство со соработниците на проектот „Фер игра: Поддршка за родова еднаквост во спортските политики“, денес ќе го претстави истражувањето „Родова еднаквост и инклузивност во спортот во Северна Македонија“.

Свеченоста ќе се случи напладне во просториите на МОК.

Ова истражување, реализирано од Силвија Митевска, Бојана Јовановска и Елена Кочоска, претставува прв обид систематски да се испита присуството и статусот на жените, вклучувајќи ги и жените со инвалидитет, во рамките на националните спортски федерации, Олимпискиот и Параолимпискиот комитет.

Во текот на истражувањето се употребени мешани квантитативни и квалитативни пристапи, како што се онлајн прашалници, обликувани интервјуа и фокус групи, со цел да се откријат структурните и културолошките пречки кои ги ограничуваат жените во нивниот пат кон лидерски позиции во спортските организации.

Од Македонскиот Олимписки Комитет исто така објавија дека ќе распределат субвенции на 15 национални спортски федерации, во вредност од 6,700 евра по федерација, како финансиска поддршка за спроведување на активности кои се во насока на подобрување на родовата рамноправност во спортот. Како што најавија од МОК: “Ќе доделат суб-грантови на 15 национални спортски федерации, во износ од 6,700 евра по федерација, како поддршка за имплементација на активности поврзани со унапредување на родовата еднаквост во спортот.”