Хуман гест среде работна задача: Вработен во КЕЦ Битола спаси маче од електродистрибутивната мрежа

Нашата одговорност не е само стабилното и безбедно снабдување со електрична енергија, туку и грижата за сите членови на заедницата – вклучувајќи ги и нашите крзнени пријатели.

При редовна интервенција на електродистрибутивната мрежа, нашиот колега Николче од КЕЦ Битола реагираше брзо, смирено и професионално, спасувајќи маче кое било заплеткано во проводниците. Со целосно почитување на безбедносните процедури и со голема внимателност, интервенцијата заврши успешно, без ризик по животот на животното или на екипата.

Овој хуман чин уште еднаш покажува дека зад секоја техничка задача стојат луѓе со големо срце, подготвени да помогнат кога тоа е најпотребно.

Грижата за безбедноста, одговорноста и човечноста се вредности кои нè водат секој ден – на терен и во заедницата.