Бесплатно советувалиште и бесплатната мобилна СОС линија за погодените од трагедијата во Кочани

Националниот совет за родова рамноправност соопшти дека по последните настани и страшната загуба на младите животи во трагедијата во ноќниот клуб во Кочани, нуди бесплатни услуги за консултација во бесплатното советувалиште, како и на бесплатната мобилна СОС линија, достапна 24/7 од сите фиксни и мобилни оператори – 141700.

-Исполнети сме со тага од страшната загуба на младите животи во трагедијата во ноќниот клуб во Кочани.

Изразуваме најдлабоко сочувство на семејствата и пријателите погодени од оваа незамислива несреќа.

Нашите врати се отворени за сите погодени од оваа трагедија – без разлика дали ви е потребна емоционална поддршка, информации или само некој што ќе ве сослуша.

Иако нашата основна мисија е да обезбедиме советување за жртви на насилство, во овие тешки моменти стоиме на располагање да помогнеме на секој кој има потреба, наведуваат од Националниот совет за родова рамноправност.

вг/Фото: Сојуз – Национален совет за родова рамноправност .

Извор: МИА